نڤێسهرێ سهروك بارزانیێ نهمر وهغهرکر
17:12:00, 25-08-2010
ژیانا ماموستا یێ کورد پهروهر و پێشمهرگێ ئهیلول و گولانا پیروز (عبدالله عمر محمد بامرنی) ناسیار ب(عبدالله ئهفهندی)- ژدایك بویێ سالا 1927 لناحیا بامهرنێ ژ بنه مالهکا خهباتکهر و کورد پهروهر دهێته پهروهردهکرن ههر ژ زاروکاتیا خودا.- قوناغا سهرهتایێ ل بامهرنێ تهواو کریه دسالا 1940- قوناغێن ناوهندی و دوا ناوندی لبهغدا دیماهی ئینایه - ههر ژ دهستپێکا قوناغێن خاندنا خودا پهیوهندیا دکهت و دبیته ئهندام و قوتابیهکێ چلاك دگهل هیوادا.- 1946 دبیته ئهندامێ پارتی دیموقراتی کوردستان لبن سیبهرو سهرکردایهتیا بارزانیێ نهمر و دهست بخهباتو کارێ پارتایهتیێ دگهل شههیدێ نهمر صالح یوسف وبهرێز نوری شاویسی دکهت.- سا لا 1950 خاندنا خو بدیماهی دئینیت و دبیته ماموستا.- ههر ژ بهر ڤان ئهگهرا دهێته دیرخستن ژ بنهمالا وی بو دهڤهرا قرهداغ- سیوسینان سهر بپارێزگهها سلێمانی ڤه.- کادر و پێشمه رگێ ههردهم ئهرکێ خویێ نهتهوایهتی دگێرینیت و دهورهکێ بالا ههبو د جاندنا بیر و باوهرێن کوردایهتیێ دسهرێ سهدهها قوتابیێن خودا ل سهرانسهری کوردستانێدا.- ژ ههژی گوتنێیه بهرێز عبدالله بامهرنی تاکه کهسبو لدهڤرا بههدیناندا کو بجلوبهرگێن خویێن کوردی دهوام کریه لقوتابخاناندا، ئو ههر ژ بهرڤێ جهندێ دهێته دهرخستن ژ کارێ وی ئو توشی کهلهك ئالوزی و نهخوشیا دبیت.- د سهرهندێرا دهست ژ کارێ خویێ سیاسی نهبهردایه و دبیته ئهگهرا زیندانو نهفی کرنا وی و برا و دوو پسمامێن وی بو میسل و دیوانیه بو ماوێ نزیکی دوو سالا.- دسالا 1961 وهك ههزاران کورێن ڤی ملهتی پهیوهندیێ ب شورهشا ئهیلولا پیروز دکهت و جههکێ بالا دگریت لناڤ رێزێن شورهشێدا ئو دبیته جهێ باوهرمهندیا شههیدێ نهمر أسحد خوشهڤی لدهڤهرا بههدیناندا.- 1963 دهمێ کوندێ وی و مالا وی دهێنه سوتن ناچار دبن بهرهڤ دهڤهرا بهرواری بالا دچن.- 1964 پهیوهندی بسهکردێ روحی ێی نهتهوا کورد بارزانیێ نهمر دکهت و دبیته نوسهرێ بارزانیێ تایبهت و لگهل هندێ ژی وهك ئهرکێ بهلاڤکرنا مۆجهی و هاریکاری ژبو کهسوکارێن شههیدان و کهسێن پێدڤی.- پشتی دهمهکێ درێژ لدیف فهرمانا بارزانیێ نهمر دهێته دهڤهرا بههدینان ژبو ئهرکێ دادوهریێ و ههروهسا دبیته(مفتش عام) یێ پهروهردهکرنێ لههمی دهڤهرێ.- وههر لناڤ کارێن خوێن پیروزدا بهردهوام پهیوهندی دگهل سهروکێ نهتهوهی بارزانیێ نهمردا ههبون و بدرێژاهیا ههمی شورهشێدا.- و ههر لوی دهمیدا دوو زاروکێن وی شههید دبن لجیا و شکهفتێن کوردستانێ و خودان 5 شههیدێن پێشمهرگه کو لرێزێن شورهشو خهباتێ شههیدبوینه.- ژههژی گوتنێیه نه بهس کارێ سیاسی کریه بهلکی گهلهك چارا بتڤه نگا خو پشکداری دشهر و داستانێن مهزندا کریه و ههتا موأمرا ناڤ نهتهویی دژی ملهتێ کورد دسالا 1975.- دهستپێکرنا شۆرهشا گۆلا نا پیروز ئهو لگهل ههردوو کورێت خو بهرێز ماموستا حازم عبدالله و دلێر عبدالله و گهلهك ژ پسمامێن خو دگههنه رێزێن شورهشا گولانا پیروز و پشتی ئهگهرێن بێجارهی ونهخوشیاخو دزڤریته بامهرنێ چهند سالهکا کارێ ماموستایهتی دکهت. پشتی ماوهیکێ کێم دگهریته ناف رێزن شورهشێ لدهڤهرێن رزگارکری. لگهل بهردهوامیا ههردوو کورێن وی ل رێزێن خهباتو شورهشێدا و دهورێن بالا ههبون ل لژنا زاخو و ئامێدیێ دا.- و دهمێ دهستپێکرنا ئهنفالا رهش سالا 1988ههردوو کورێن وی لگهل کهسوکارێن وی دکهڤنه بهرکارهساتا ئهنفالێ و بهرهڤ ئوردیگایێ دیاربهکر و مێردینێ دجن.1996 ژبهر ئهگهرا نهخوشیا دلی قهستا وهلاتێ هولندا دکهت ژ بو چارهسهریێ. و ههر ل وهلاتێ هولندا بهردهوامیێ ل کارێ خویێ سیاسی ددهت و بههمی بنهمالا خوڤه دهورهکێ بالا دبینن ل ههمی چالاکیێن پارتیدا و کومهلایهتیدا. حهتاکو روژا 22-8-2010 دهمژمێر 5 سپێدێ دچیته بهر دلوڤانیا خودێ.
209 جار خوێندراوهتهوه
ئهرشیف
